चितवनको रत्ननगर नगरपालिकामा मोटरसाइकल अनियन्त्रित भई घरमा ठोक्किँदा दुई जनाको मृत्यु भएको छ।

बुधबार राति पौने १२ बजे बजे रत्ननगर–४ वडा कार्यालय नजिक भित्री सडक खण्डमा ना २२ प ३४४४ नम्बरको मोटरसाइकल अनियन्त्रित भई स्थानीय सुमन गदालको घरको भित्तामा ठोक्किन पुगेको थियो।

मृत्यु हुनेमा रत्ननगर–३ का २२ वर्षीय जीवन चौधरी र सोही ठाउँका १८ वर्षीय सुमित महतो रहेको चितवन प्रहरीले जनाएको छ।

गम्भीर घाइते भएका चालक जीवन र पछाडि सवार सुमितलाई अस्पतालमा लगिएकोमा राति नै भरतपुर अस्पतालमा मृत्यु भएको हो।