आँखा संवाददाता
मङ्गलबार, पौष २६ २०७९
झापा, पुष २६ । झापामा आगोले जलेर एक बृद्धाको मृत्यु भएको छ ।मंगलवार बिहान १०.३० बजे कचनकवल गाउँपालिका वडा नं. १ कुटी बस्ने ७० वर्षिया हेमप्रभा माझीको जलेर मृत्यु भएको हो ।
घर बाहिर पराल बाली आगो ताप्ने क्रममा अचानक शरीरको विभिन्न भागमा जलेर घाईते भई उपचारको लागि प्रादेशिक अस्पताल भद्रपुर पठाईएकोमा दिउँसो १ बजे उपचारको क्रममा उनको मृत्यु भएको जिल्ला प्रहरी कार्यालयले जनाएको छ । घटना सम्बन्धमा अनुसन्धान भइरहेको डीएसपी बसन्त पाठकले बताए