शुक्रबारदेखि कक्षा १२ का विद्यार्थीलाई भेरोसेल खोप दिइने

image आँखा संवाददाता शुक्रबार​, भाद्र ४ २०७८
image

काठमाडौं । काठमाडौं जिल्लामा (शुक्रबार)देखि १८ वर्षमाथिका कक्षा १२ मा अध्ययनरत र विश्वविद्यालयका विद्यार्थीलाई कोभिड-१९ विरुद्धको भेरोसेल खोपको पहिलो डोज दिइने भएको छ।

जिल्ला स्वास्थ्य कार्यालय काठमाडौंका प्रमुख बद्रीबहादुर खड्काका अनुसार भदौ ४ गतेदेखि ६ गतेसम्म सञ्चालन हुने विद्यार्थीले प्रवेशपत्र देखाएर पहिलो डोज लगाउन पाउनेछन् । ४० वर्षमाथिका नागरिकलाई पनि भोलिदेखि खोपको पहिलो मात्रा दिइने जनाइएको छ ।

काठमाडौं महानगरपालिकाका ३२ वडा र पालिकाले तोकेको थप खोप केन्द्र तोकिएको छ । अन्य नगरपालिकाको हकमा पनि सोही पालिकाले तोकेको खोप केन्द्र निर्धारण गरिएको छ।

साथै, सशस्त्र प्रहरी अस्पताल, बलम्बु, वीरेन्द्र सैनिक अस्पताल, छाउनी राधास्वामी आइसोलेसन सेन्टर, सामाखुसी, नेपाल प्रहरी अस्पताल, महाराजगञ्ज, वीर अस्पताल, रत्नपार्क, निजामति कर्मचारी अस्पताल, बानेश्वर, परोपकार प्रसूती गृह तथा स्त्रीरोग अस्पताल, थापाथली र शिक्षण अस्पताल, महाराजगञ्जबाट पनि खोप लगाउन पाइने भएको छ ।

ad