भद्रपुरबाट प्रकाशित साप्ताहिक वरुण १४औं वर्ष पूरा गरी १५औं वर्षमा प्रवेश

image आँखा संवाददाता बिहीबार, श्रावण ७ २०७८
image

भद्रपुर/ झापाको भद्रपुरबाट प्रकाशित साप्ताहिक वरुण १४औं वर्ष पूरा गरी १५औं वर्षमा प्रवेश गरेको छ । २०६४ साउन ३ गते महिला मुद्दालाई मिसन बनाएर पत्रकार माया पकुवालको सम्पादनमा प्रकाशन शुरु गरिएको साप्ताहिक वरुण आजबाट १५औं वर्षमा प्रवेश गरेको हो ।

२०३५ सालमा स्व. माया देवान सम्पादक/प्रकाशक तथा साहित्यकार हिरा आकाश कार्यकारी सम्पादक रहेर प्रकाशन सुरु गरिएको वरुण राजकाज मुद्दा लागेपछि केही वर्ष बन्द भएको थियो ।

२०४७ सालमा अग्रज पत्रकार नकुल काजीले पुनः प्रकाशन गर्नुभएको साप्ताहिक वरुण विवेचना दैनिक सुरु गरेपछि पत्रकार माया पकुवाललाई स्वामित्व हस्तान्तरण गर्नु भएको थियो । हाल पकुवालको प्रकाशकत्व/सम्पादकत्वमा खबर पत्रिका साप्ताहिक वरुणले निरन्तरता पाइरहेको छ ।

ad