समय र डर 

image
image अमृता खरेल ९ दिन अगाडी

यो एउटा साघुँरो गल्लीमा

मेरो जुनकिरी जस्तै 

एउटा सपना थियो ।

घरि बल्थ्यो 

घरि निब्थ्यो 

सपना विपनामै मलाई

 सपना देखाउँथ्यो ।

सीत बन्ने चाहना भरेर जान्थ्यो  

म सोच्ने गर्थे,

यो रित्तो आकाशसँग पनि सपना होला 

ताराहरू उदाउँछु भनि ......

यो घामसग पनि त एउटा सपना होला 

साँझ अस्ताएपनि

 बिहान फेरि झुल्किन्छु भनि ......

तर ,

हेर जीन्दगी

आज भोलि म आफूसँगै रित्तो भएको छु ।

खुम्चिएर ,च्यातिएर र भत्किएर 

उदांगो भएको छु।

 

मान्छेहरु भन्ने गर्छन्,

 हरेक परिस्थितिमा जिउनुपर्छ ।

आमा के गरुँ ,?

म जीन्दगीको यो कहरनै 

थेग्न नसक्ने भएको छु ।

आजभोलि हृदयका कम्पनहरू

 निस्टुर भएका छन् ।

यो मनै मनको बजारमा न त 

'म' भएको आभास छ 

न त 'म' जस्तै  अरु कोही........

डर के को लागेको हो भनिदेउ समय ?

यो आँसु बेदनामा पनि

 खस्न छोडेको छ आजभोलि 

भन्न मन छ जून जस्ता सपनाहरूसंग

कि .........,

म बाँचेछु भने श्वास लिएर हेर जीन्दगी 

यो साँघुरो गल्लीमा दुरूस्तै 

तिमीलाई दोहोर्याउन आउनेछु ।

म बाँचे भने त यो कहरमा हे जीन्दगी ......

तिमीसँगै गुन्गुनाउन र मुस्कुराउन आउनेनै छु 

-अमृता खरेल

ad