काठमाडौं, जेठ २०ः पश्चिमी वायुको प्रभावले केही दिन देखि प्रभावित मौसममा आजदेखि क्रमिक सुधार हुँदै जाने भएको छ ।
पश्चिमी वायु र पूर्वी भूभाग नजिक बनेको निम्न चापीय रेखाले काठमाडौँ उपत्यकासहित देशका अधिकांश स्थानमा वर्षा भइरहेको थियो । तर अव दुवै मौसमी प्रणाली बाहिरिने क्रम शुरु भएकाले आजबाट मौसम सफा हुने मौसम पूर्वानुमान महाशाखाले जनाएको छ ।
आज देशको पूर्वी भूभागलगायत मध्य तथा पश्चिमी पहाडी भूभागमा सामान्य बदली रही बाँकी भूभागमा मौसम सामान्यतया सफा रहने छ । यसैबीच यसबर्षको मनसुन करिव १ हप्ता ढिलो शुरु हुने पूर्वानुमान महाशाखाले गरेको छ ।-