काठमाडौं, जेठ २०ः नेपालमा आज थप २८८ जनामा कोरोना संक्रमण पुष्टी भएको छ । तीमध्ये २७० जना पुरूष र १८ जना महिला रहेका छन् ।
पीसीआर विधिबाट गरिएको कोरोना परीक्षणमा हालसम्म सङ्क्रमित हुनेको सङ्ख्या २,०९९ पुगेको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा प्रवक्ता डा. विकास देवकोटाले जानकारी दिनुभयो ।
उहाँका अनुसार आज ४५ जना कोरोना संक्रमणबाट निको भएर घर फर्किएका छन् । योसँगै कुल २६६ डिस्चार्ज भएका छन् । क्वारेन्टाइनमा एक लाख ४५ हजार ३७५ रहेका छन् । आइसोलेसनमा एक हजार ८२५ रहेका छन् ।-